తెలంగాణ రాష్ట్రంలో ఉన్నత విద్యార్థులకు శుభవార్త. డా.బీఆర్ అంబేడ్కర్ ఓపెన్ యూనివర్సిటీ (BRAOU) ఓపెన్ డిగ్రీ విద్యార్థుల కోసం సాఫ్ట్‌వేర్ రంగంలో ఉద్యోగ అవకాశాలు కల్పించే వినూత్న కార్యక్రమాన్ని ప్రారంభించింది. ప్రముఖ ఐటీ సంస్థ TCS తో కలిసి ‘జాబ్ అచీవర్ – బిజినెస్ ఆపరేషన్స్ ఎగ్జిక్యూటివ్’ అనే ప్రత్యేక ప్రోగ్రాంను అమలు చేస్తోంది.
ఈ కోర్సు ద్వారా విద్యార్థులు డిగ్రీ పూర్తిచేసే సరికి ఉద్యోగ నియామకపత్రం (Offer Letter) కూడా పొందేలా రూపకల్పన చేశామని యూనివర్సిటీ వీసీ ఘంట చక్రపాణి తెలిపారు. ముఖ్యంగా ఓపెన్ డిగ్రీ చేస్తున్న విద్యార్థులు ఐటీ రంగంలో అడుగుపెట్టేందుకు ఇది గొప్ప అవకాశం అని ఆయన పేర్కొన్నారు.
ఈ ప్రోగ్రాంకు మార్చి 15 వరకు అడ్మిషన్లకు అవకాశం కల్పించారు. అర్హతలు, కోర్సు విధానం, ఎంపిక ప్రక్రియ తదితర పూర్తి వివరాల కోసం యూనివర్సిటీ అధికారిక వెబ్‌సైట్‌ను సంప్రదించాలని BRAOU అధికారులు సూచించారు.
