IPL : ఇండియన్ ప్రీమియర్ లీగ్ (IPL) చరిత్రలో అత్యంత విజయవంతమైన ఆటగాళ్లలో టీమిండియా మాజీ కెప్టెన్ మహేంద్ర సింగ్ ధోనీ ఒకరు. చెన్నై సూపర్ కింగ్స్ (CSK)కు ఎన్నో విజయాలు అందించిన ధోనీ.. ఆటతోనే కాకుండా ఐపీఎల్ ద్వారా సంపాదనలోనూ ప్రత్యేక గుర్తింపు సంపాదించారు. ఇప్పటివరకు ఐపీఎల్లో ప్లేయర్గా ఆయన సుమారు రూ.200 కోట్ల వరకు ఆర్జించినట్లు క్రీడావర్గాలు వెల్లడించాయి. 2008లో జరిగిన తొలి ఐపీఎల్ వేలంలో చెన్నై సూపర్ కింగ్స్ ధోనీని రూ.6.03 కోట్లకు కొనుగోలు చేసింది. ఆ తర్వాత 2009లో రూ.7.32 కోట్లు, 2010లో రూ.6.88 కోట్లు, 2011లో రూ.8.16 కోట్లు, 2012లో రూ.8.74 కోట్లు, 2013లో రూ.9.57 కోట్ల పారితోషికం అందుకున్నారు. ప్రారంభ సీజన్లలోనే భారీ ధర పలికిన ధోనీ.. తన నాయకత్వం, ఆటతీరుతో ఫ్రాంచైజీకి విలువైన ఆటగాడిగా నిలిచారు.

2018 నుంచి రూ.15 కోట్ల పారితోషికం.. 2025లో తగ్గిన మొత్తం
ధోనీ ఐపీఎల్ పారితోషికం 2014 నుంచి మరింత పెరిగింది. 2014 నుంచి 2017 వరకు ఒక్కో సీజన్కు రూ.12.5 కోట్లు అందుకోగా, 2018 నుంచి 2021 వరకు రూ.15 కోట్ల చొప్పున పారితోషికం పొందారు. 2022 నుంచి 2024 వరకు ఒక్కో సీజన్కు రూ.12 కోట్లు అందుకున్నారు. అయితే 2025, 2026 సీజన్లలో ఆయన పారితోషికం రూ.4 కోట్లకు తగ్గినట్లు క్రీడావర్గాల సమాచారం. ఇలా దాదాపు రెండు దశాబ్దాల ఐపీఎల్ ప్రయాణంలో ధోనీ సంపాదన రూ.200 కోట్ల స్థాయికి చేరడం విశేషం. ఐదు ఐపీఎల్ టైటిళ్లు అందించిన కెప్టెన్గా, చెన్నై అభిమానుల అభిమాన ఆటగాడిగా ధోనీకి ప్రత్యేక స్థానం ఉంది. వయసు పెరుగుతున్నా ఆయనపై అభిమానుల్లో క్రేజ్ తగ్గకపోవడం, ఐపీఎల్లో ఆయనకున్న బ్రాండ్ విలువను మరోసారి చాటుతోంది.