షేర్: f 𝕏 ✉ ✈ in @
nvrnews.in 18 నవం 2026, 5:20 ఉద.
క్రీడలు

ఫుట్‌బాల్ ఆడుతూ ప్రాణాలు కోల్పోయిన యువ ఆటగాడు

News from Andhra Pradesh and Telangana, every hour
ప్రచురణ తేదీ: 18 నవం 2026, 5:20 ఉద. రచన: One News Desk
7 వీక్షణలు 0 వ్యాఖ్యలు
ఫుట్‌బాల్ ఆడుతూ ప్రాణాలు కోల్పోయిన యువ ఆటగాడు

Abel Nunez: అర్జెంటీనాలో ఫుట్‌బాల్ మ్యాచ్ సందర్భంగా విషాద ఘటన చోటుచేసుకుంది. ఎజైజా ఎఫ్‌సీ (Ezeiza FC) క్లబ్‌కు చెందిన 18 ఏళ్ల యువ ఆటగాడు అబెల్ నూనెజ్ ప్రాణాలు కోల్పోయాడు. మ్యాచ్‌లో ప్రత్యర్థి ఆటగాడు కొట్టిన షాట్‌ను అడ్డుకునే ప్రయత్నంలో జరిగిన ప్రమాదం అతడి ప్రాణాలను తీసింది.

షాట్‌ను అడ్డుకునే క్రమంలో ప్రమాదం

డిపోర్టివో మునిజ్‌తో జరిగిన మ్యాచ్‌లో ప్రత్యర్థి ఆటగాడు కొట్టిన షాట్‌ను అడ్డుకునేందుకు అబెల్ ప్రయత్నించాడు. ఈ సమయంలో ప్రత్యర్థి ఆటగాడి కాలి షిన్ బలంగా అబెల్ తలకు తగిలినట్లు సమాచారం. దీంతో అతడికి తీవ్ర గాయాలయ్యాయి. ప్రమాదం తర్వాత అబెల్‌కు వైద్యులు అత్యవసర చికిత్స అందించారు. అతడి పరిస్థితి తీవ్రంగా ఉండటంతో శస్త్రచికిత్స కూడా నిర్వహించారు. అయినప్పటికీ వైద్యుల ప్రయత్నాలు ఫలించలేదు. చివరకు అబెల్ ప్రాణాలు కోల్పోయాడు.

Abel Nunez: విషాదంలో ఎజైజా ఎఫ్‌సీ

చిన్న వయసులోనే అబెల్ మరణించడంతో అతడి కుటుంబ సభ్యులు, స్నేహితులు, సహచర ఆటగాళ్లు తీవ్ర విషాదంలో మునిగిపోయారు. ఎజైజా ఎఫ్‌సీ క్లబ్ సభ్యులు కూడా ఈ ఘటనతో దిగ్భ్రాంతికి గురయ్యారు. ఫుట్‌బాల్ మైదానంలో చోటుచేసుకున్న ఈ ప్రమాదం క్రీడాభిమానులను కలచివేసింది.

#క్రీడలు
Abel Nunez: అర్జెంటీనాలో ఫుట్‌బాల్ మ్యాచ్ సందర్భంగా విషాద ఘటన చోటుచేసుకుంది. ఎజైజా ఎఫ్‌సీ (Ezeiza FC) క్లబ్‌కు చెందిన 18 ఏళ్ల యువ ఆటగాడు అబెల్ నూనెజ్ ప్రాణాలు…