షేర్: f 𝕏 ✉ ✈ in @
nvrnews.in 19 నవం 2026, 10:10 ఉద.
క్రీడలు

‘టైమ్ 100 నెక్స్ట్ – ఇండియా’ జాబితాలో వైభవ్ సూర్యవంశీకి చోటు

News from Andhra Pradesh and Telangana, every hour
ప్రచురణ తేదీ: 19 నవం 2026, 10:10 ఉద. రచన: One News Desk
5 వీక్షణలు 0 వ్యాఖ్యలు
‘టైమ్ 100 నెక్స్ట్ – ఇండియా’ జాబితాలో వైభవ్ సూర్యవంశీకి చోటు

Vaibhav Suryavanshi: భారత క్రికెట్ యువ సంచలనం వైభవ్ సూర్యవంశీ అంతర్జాతీయ స్థాయిలో మరో అరుదైన గుర్తింపును సొంతం చేసుకున్నాడు. దేశ భవిష్యత్తును తీర్చిదిద్దుతున్న 100 మంది అసాధారణ యువ నాయకులు, ఎదుగుతున్న ప్రతిభావంతులతో ప్రతిష్ఠాత్మక ‘టైమ్’ (TIME) పత్రిక రూపొందించిన తొలి ‘టైమ్ 100 నెక్స్ట్ – ఇండియా’ జాబితాలో వైభవ్‌కు చోటు దక్కింది. ఈ సందర్భంగా ప్రముఖ బాలీవుడ్ నటుడు ఆయుష్మాన్ ఖురానా ఈ యువ బ్యాటర్‌ను ఆకాశానికెత్తుతూ ఒక ప్రత్యేకమైన ప్రశంసా పత్రాన్ని (నోట్) రాశారు. వైభవ్ మారుతున్న నవ భారతానికి అసలైన ప్రతీక అని కొనియాడారు.

Vaibhav Suryavanshi: ప్రతిభ ఎక్కడి నుంచైనా పుట్టుకొస్తుందని నిరూపించాడు: ఆయుష్మాన్

మైదానంలో బ్యాట్ పట్టుకుని వైభవ్ బంతిని బాదుతున్నప్పుడు, విభిన్నంగా ఆలోచించే వారికే భవిష్యత్తు సొంతమని గుర్తుచేస్తాడని ఆయుష్మాన్ ఖురానా పేర్కొన్నారు. అతడు కేవలం క్రీడా విస్మయం మాత్రమే కాదని, అంతకుమించి ఎంతో విశిష్టమైన వ్యక్తిత్వమని ప్రశంసించారు. కేవలం 14 ఏళ్ల వయసులోనే ఇండియన్ ప్రీమియర్ లీగ్ (ఐపీఎల్) చరిత్రలో అత్యంత పిన్న వయస్కుడైన ఆటగాడిగా రికార్డు సృష్టించాడని, ఏడాది వ్యవధిలోనే రికార్డు స్థాయి ప్రదర్శనలతో దూసుకుపోతున్నాడని గుర్తుచేశారు. ప్రతిభ అనేది ఎక్కడి నుంచైనా పుట్టుకొస్తుందని చెప్పడానికి వైభవ్ ప్రయాణమే నిదర్శనమని, అతడి విజయాలు కోట్ల మంది భారతీయులకు పెద్ద కలలు కనే ధైర్యాన్ని ఇస్తాయని ఆయుష్మాన్ కొనియాడారు. అతడి అసలైన విజయం పరుగులు చేయడంలో మాత్రమే కాదని, అసాధారణ స్థాయికి ఎదిగే స్వేచ్ఛ దొరికినప్పుడు ఏం జరుగుతుందో చూపించాడని వ్యాఖ్యానించారు.

జాబితాలో నిలిచిన ఇతర భారత క్రీడాకారులు

ప్రతిష్ఠాత్మక ‘టైమ్ 100 నెక్స్ట్ – ఇండియా’ జాబితాలో వైభవ్ సూర్యవంశీతో పాటు పలువురు ప్రముఖ భారత క్రీడాకారులు కూడా స్థానం సంపాదించుకున్నారు. వీరిలో భారత మహిళా క్రికెట్ జట్టు మాజీ కెప్టెన్ హర్మన్‌ప్రీత్ కౌర్, ఒలింపిక్ పతక విజేతలు బాక్సర్ లవ్లీనా బోర్గొహైన్, వెయిట్‌లిఫ్టర్ మీరాబాయి చాను ఉన్నారు. అలాగే ప్రపంచ చెస్ ఛాంపియన్ డి. గుకేశ్, మాజీ టెన్నిస్ స్టార్ సానియా మీర్జా, భారత మహిళా హాకీ జట్టు గోల్‌కీపర్ సవితా పునియా, ఆసియా క్రీడల స్వర్ణ పతక విజేతలు విత్య రామ్‌రాజ్, కుకుమ్ మోహోద్ కూడా ఈ జాబితాలో చోటు దక్కించుకున్నారు.

#క్రీడలు
Vaibhav Suryavanshi: భారత క్రికెట్ యువ సంచలనం వైభవ్ సూర్యవంశీ అంతర్జాతీయ స్థాయిలో మరో అరుదైన గుర్తింపును సొంతం చేసుకున్నాడు. దేశ భవిష్యత్తును తీర్చిదిద్దుతున్న 100 మంది అసాధారణ యువ…