హైదరాబాద్ బులియన్ మార్కెట్లో బంగారం ధరలు వరుసగా తగ్గుతూ కొనుగోలుదారులకు కొంత ఊరట కలిగిస్తున్నాయి. గత 10 రోజుల్లో 24 క్యారెట్ల 10 గ్రాముల బంగారం ధర రూ.13,320 వరకు తగ్గింది. అదే సమయంలో 22 క్యారెట్ల గోల్డ్ ధర కూడా రూ.12,160 మేర పడిపోయింది.
ప్రస్తుతం హైదరాబాద్ మార్కెట్లో 24 క్యారెట్ల 10 గ్రాముల బంగారం ధర రూ.1,48,900గా ఉండగా, 22 క్యారెట్ల బంగారం ధర రూ.1,36,540గా కొనసాగుతోంది. అంతర్జాతీయ మార్కెట్ పరిస్థితులు, డాలర్ విలువ మార్పులు, పెట్టుబడిదారుల ధోరణి వంటి అంశాలు బంగారం ధరలపై ప్రభావం చూపుతున్నాయని నిపుణులు చెబుతున్నారు.
ధరలు తగ్గుతున్న నేపథ్యంలో పసిడి కొనుగోలు చేసేందుకు ప్రజలు ఆసక్తి చూపుతున్నారని వ్యాపార వర్గాలు పేర్కొంటున్నాయి. వివాహాలు, పండుగల సీజన్ సమీపిస్తున్న వేళ ఈ ధరల మార్పు మార్కెట్లో చర్చనీయాంశంగా మారింది.
