నాగవరపాడు గ్రామంలోని ఎంపీ యుపిఎస్ పాఠశాలలో 77వ గణతంత్ర దినోత్సవ వేడుకలను అత్యంత ఉత్సాహభరితంగా నిర్వహించారు. ఈ కార్యక్రమంలో పాఠశాల ప్రధానోపాధ్యాయులు పురం సంగారావు గారు జాతీయ జెండాను ఆవిష్కరించి, విద్యార్థులకు గణతంత్ర దినోత్సవ ప్రాముఖ్యతను వివరించారు.
గణతంత్ర దినోత్సవాన్ని పురస్కరించుకొని పాఠశాలలో కబడ్డీ, కోకో, రన్నింగ్, జంపింగ్, కప్పగంతులు, సూది–దారం వంటి వివిధ క్రీడా పోటీలు నిర్వహించారు. పోటీల్లో ప్రతిభ కనబరిచిన విద్యార్థులకు బహుమతులు అందజేశారు.
ఈ కార్యక్రమానికి ముఖ్య అతిథులుగా సర్పంచ్ భీమనబోయిన ఈశ్వరమ్మ ఆంజనేయులు, రిటైర్డ్ టీచర్ తోక కృష్ణయ్య గారు హాజరై, విద్యార్థులకు జియామెట్రీ బాక్సులు, పెన్నులు, స్కెచ్లు, పెన్సిళ్లు పంపిణీ చేశారు. వారి సహకారానికి పాఠశాల తరఫున కృతజ్ఞతలు తెలిపారు.
ఈ వేడుకల్లో నూతనంగా ఎన్నికైన గ్రామ సర్పంచ్ శ్రీమతి భీమనబోయిన ఈశ్వరమ్మ, వైస్ సర్పంచ్ తోక వీరస్వామి, మాజీ సర్పంచ్ ఎంవిఎస్ఎన్ ప్రసాద్, గ్రామ సెక్రటరీ ఉపేందర్, ఉపాధ్యాయులు సిహెచ్వి రవికుమార్, డి లింగయ్య, వివిఎన్ రాజు, వార్డ్ మెంబర్లు, అంగన్వాడీ టీచర్ ఏ కృష్ణవేణి, గ్రామ పెద్దలు, పంచాయతీ సిబ్బంది పాల్గొన్నారు.
ఈ కార్యక్రమం విద్యార్థుల్లో దేశభక్తి, క్రీడాస్ఫూర్తిని పెంపొందించిందని గ్రామస్థులు అభినందించారు.








