ఆంధ్రప్రదేశ్లోని కృష్ణా జిల్లాలో ఒక పాఠశాలలో జరిగిన ఘటన ప్రస్తుతం సోషల్ మీడియాలో వైరల్గా మారింది. వీరవల్లి మండలంలోని జడ్పీహెచ్ఎస్ (ZPHS) పాఠశాలలో ఓ ల్యాబ్ అసిస్టెంట్పై 10వ తరగతి విద్యార్థి దాడి చేసిన వీడియో బయటకు వచ్చింది.
సమాచారం ప్రకారం, పాఠశాల ప్రాంగణంలో కొంతమంది 10వ తరగతి విద్యార్థులు స్మోకింగ్ చేస్తున్నట్లు ల్యాబ్ అసిస్టెంట్ గమనించారు. వెంటనే వారిని మందలించి అలా చేయవద్దని సూచించారు. దీనిపై విద్యార్థులు అసహనం వ్యక్తం చేస్తూ ఆయనను తోసేసి క్లాస్రూమ్లోకి వెళ్లిపోయారు.
తరువాత ల్యాబ్ అసిస్టెంట్ క్లాస్రూమ్కు వెళ్లి “నన్నెందుకు తోసారు?” అని ప్రశ్నించగా మాటల యుద్ధం చోటు చేసుకుంది. ఈ సమయంలో ఆయన చెప్పిన ఒక మాటకు ఆగ్రహించిన ఓ విద్యార్థి “మా అమ్మనే తిడతావా?” అంటూ ఒక్కసారిగా ల్యాబ్ అసిస్టెంట్ ఛాతిపై బలంగా పిడిగుద్దు కొట్టాడు. దీంతో ఆయన నొప్పితో విలవిల్లాడారు.
ఈ ఘటనను అక్కడ ఉన్న కొంతమంది విద్యార్థులు మొబైల్లో చిత్రీకరించారు. ప్రస్తుతం ఆ వీడియో సోషల్ మీడియాలో వైరల్ అవుతోంది. విషయం తెలుసుకున్న పాఠశాల ఉపాధ్యాయులు వెంటనే పోలీస్ స్టేషన్లో ఫిర్యాదు చేశారు. పోలీసులు కేసు నమోదు చేసి దర్యాప్తు చేపట్టినట్లు సమాచారం.
ఈ ఘటన విద్యార్థుల్లో పెరుగుతున్న అశాంతి, పాఠశాలల్లో క్రమశిక్షణపై చర్చకు దారితీసింది.
