తెలంగాణలో విద్యా రంగంలో పెద్ద మార్పులకు శ్రీకారం చుట్టుతూ ముఖ్యమంత్రి రేవంత్ రెడ్డి కొత్త K-12 విద్యా విధానాన్ని ప్రకటించారు. ఈ విధానం ప్రకారం వచ్చే విద్యా సంవత్సరం నుంచి రాష్ట్రంలో ప్రస్తుత ఇంటర్మీడియట్ విధానాన్ని రద్దు చేసి, నర్సరీ నుంచి 12వ తరగతి వరకు పాఠశాల విద్యను ఒకే వ్యవస్థ కిందకు తీసుకురానున్నారు.
ఈ కొత్త విధానం ద్వారా విద్యార్థులకు నాణ్యమైన విద్యతో పాటు పోషకాహారం, ఆధునిక సదుపాయాలు అందించడమే ప్రభుత్వ లక్ష్యంగా పేర్కొన్నారు. ప్రభుత్వ పాఠశాలలను అంతర్జాతీయ ప్రమాణాలతో అభివృద్ధి చేసి పేద విద్యార్థులకు కార్పొరేట్ స్థాయి విద్య అందించాలనే దిశగా ప్రభుత్వం చర్యలు తీసుకుంటోంది.
ఇక రాష్ట్రవ్యాప్తంగా వేలాది ప్రభుత్వ పాఠశాలలను ఆధునీకరించి, ల్యాబ్లు, లైబ్రరీలు, క్రీడా సదుపాయాలు ఏర్పాటు చేయాలని ప్రణాళికలు రూపొందించారు. గ్రామీణ ప్రాంతాల విద్యార్థులకు ప్రత్యేకంగా స్కూల్ బస్సు నెట్వర్క్ ఏర్పాటు చేసి విద్య అందుబాటును పెంచాలని నిర్ణయించారు.
ఈ నిర్ణయం తెలంగాణ విద్యా రంగంలో విప్లవాత్మక మార్పులకు దారితీస్తుందని ప్రభుత్వం భావిస్తోంది.
