మున్సిపల్ ఎన్నికల ప్రక్రియలో భాగంగా తెలంగాణ రాష్ట్ర ముఖ్యమంత్రి రేవంత్ రెడ్డి కొడంగల్ నియోజకవర్గంలో తన ఓటు హక్కును వినియోగించుకున్నారు.
కొడంగల్లోని జిల్లా పరిషత్ ఉన్నత పాఠశాలలో ఏర్పాటు చేసిన పోలింగ్ కేంద్రానికి ఉదయం చేరుకున్న సీఎం, క్యూలో నిలబడి ఓటు వేశారు. అనంతరం మీడియాతో మాట్లాడిన ఆయన, ప్రజాస్వామ్య వ్యవస్థలో ఓటు హక్కు అత్యంత పవిత్రమైందని, ప్రతి పౌరుడు తప్పకుండా ఓటు వేయాలని పిలుపునిచ్చారు.
మున్సిపల్ ఎన్నికలు స్థానిక పాలనకు పునాది అని పేర్కొన్న సీఎం, ప్రజలు తమకు నచ్చిన అభ్యర్థిని ఎన్నుకుని పాలనలో భాగస్వాములు కావాలని సూచించారు. పోలింగ్ ప్రక్రియ ప్రశాంతంగా, సజావుగా సాగుతోందని అధికారులు తెలిపారు.
